Connect with us

كلام خارج المقرر

نفسي أفهم هما بيتنيلوا , بيتدربوا علي أيه و مين و فين

الفريق فات عليه 8 ايام من أخر مباراة من لقاء فريق ايسترن كومباني و تدريبات و مباراة تجريبية وراحة ومعسكر وغيره 

ايه اللي بيحصل و الفريق بيتدرب علي ايه بالظبط او بينيلوا ايه في التدريبات 
طيب معلومة كده علي السريع …. مباراة انبي هي الأخيرة للاسماعيلي علي أرضه بالدور الأول علي أرضه … وبعدها لقاء فريق طلائع الجيش يوم السبت القادم …. تخيل يا مؤمن .. أن الاسماعيلي لم يحرز هدف واحد علي أرضه في نصف موسم كامل ولعب 6 مباريات  لا فوز و لا هدف 
!!!!!!!!!!
وكنت تصدق من الأصل يا مؤمن .. أن الاسماعيلي أحرز 9 أهداف فقط طوال الموسم الحالي في 15 مباراة
يعني فريق هجوميا فاضي ..فراغ . فضاء
يعني مجلس الهمبكة .. هو سبب البلاوي من الألف إلي الياء
و بين الالف و اياء .. هناك حقائق
لما تضيع مننا ضربة جزاء ثالثة في الموسم الحالي
و لا يكاد الفريق بيلعب مباشر علي المرمي إلا ثاني ربع ساعة من الشوط الثاني
واستحواذ 64% طوال المباراة ومفيش ولا جول … وفريق استحواذه 36% يجيب جولين
إذن السؤال
يبقي الجهاز الفني بيعمل أيه
الكابتن حمد ابراهيم … بيعمل أيه
الكابتن احمد سمير فرج بيعمل إيه
الكابتن أيمن كمال الجديد .. بيعمل أيه
الدكتور عطية بيعمل أيه
طيب الكابتن محسن عبد المسيح .. بيعمل أيه مع رئيس النادي المشرف علي فريق الكرة
هناك حاجة غلط و حاجة غلط كبيرة.. في الجهاز الفني
لكن .. هو فين و هو فيه أيه .. و فين و ليه
الاسماعيلي تأكد اليوم انه سيظل في مثلث الهبوط .. حتى نهاية الدور الأول
والدور الأول أسهل بكتير من الدور الثاني و النقطة في الدور الثاني = خمس نقاط في الدور الأول
و الاسماعيلي ثالث اضعف هجوم  9 اهداف
و الاسماعيلي ثالث اضعف دفاع 19 هدف 
و الاسماعيلي مهزوم 8 مباريات من 15 مباراة
كل ده معناه أيه
الأرقام فضيحة و مشكلة و مقلقة و لا تجعل الاسماعلاوي ينام- لا بالليل و لا النهار … أن فكر في الاحتمالات الكارثية القادمة
و نتصور أن الجهاز الفني بطيخ شوية بطيخ اقرع قاعد علي الدكة
طيب حمد ابراهيم في البطاطس.. لكن الكابتن احمد سمير فرج و الكابتن أيمن كمال .. أيه وظيفتهم ..مش عارف
ليه
في الدقيقة 31 من الشوط الأول .. ظهر أن هناك مشكلة في قلب الدفاع .. بعد خروج محمد هاشم و زاد الضغط علي محمد نصر علي المهاجم الخطير جون ايبوكا … و صحيح محمد فوزي أنقذ هدف أكيد من ايبوكا
لكن ظهر تماما أن محمد نصر الناشئ الجديد … صعب عليه مراقبة ايبوكا
ومستحيل محمد نصر يقدر علي ايبوكا
لان ايبوكا .. أحرز الهدف الأول بسبب محمد نصر
وعبد الرحمن عماد أحرز هدف بسبب – فلس من ايبوكا لمحمد نصر
يبقي فعلا …. اللي قاعد علي دكة الجهاز الفني .. شوية بطيخ اقرع
بيقبضوا وخلاص
والكابتن حمد ابراهيم .. خلي كل اللي معاه ..شوية مناظر وخلاص
ده في الوقت اللي عندنا
رئيس مجلس الهمبكة .. هو المشرف علي الكرة و لا له في الكرة
و حمد ابراهيم … محجم و مبطل و معطل الوحيد اللي بيفهم في الكرة و هو الكابتن محسن عبد المسيح
نتصور أننا وصلنا إلي اس المشكلة في الفريق
الكابتن حمد ابراهيم … محتاج معاونة و مساعدة
لكنه قراقوش زمانه
تغييرات …. بتضعف الفريق .. لا تدفعه إلي الأمام
لاعبين بتقلل المجهود و بتضيع التحرك إلي الأمام
و إصرار علي تمركز لاعبين في غير أماكنهم
والشامي يطلع برخ مفيش فايدة .. يدخل جوه مفيش فايدة لما يكون مراقب
مفيش حساب و لا محاسبة
ومن الأصل مفيش تفاهم و فيه مخ مقفل و لا اجدعها بلدياتنا
حمد ابراهيم
واضح انه محتاج مساعدة و مشورى
و لابد أن يقبلها
و أن لم يقبلها
عليه الرحيل علي الفور
لأنه سيرحل … بعد قليل
الخطأ و الهزيمة اليوم .. تكشف مستوي الجهاز الفني أو تكشف حمد ابراهيم تماما
ولابد من إصلاح كل ذلك قبل فوات الأوان
وانتهي الكلام خارج المقرر

Click to comment

Leave a Reply

لن يتم نشر عنوان بريدك الإلكتروني.

بقلم الدراويش