Connect with us

كلام خارج المقرر

الاسماعيلي المرجيحة .. حبك شباب,, شباب علي طول

كتب:daraweesh

الف الف الف مليار مبروك للدراويش.. الفوز و الثلاث نقاط زي الدهب و الالماظ و الماس.. من خلال ريمونتادا غالية و حلوة .. و بقيادة احمد مصطفي .. اللي اثبت مقوله اللي تخاف منه .. ما يجيش احسن منه

و علشان اخوكم .. في سهل حشيش ..الغردقة ..  علشان مؤتمر هندسي .. تنظيم جامعة المانيا  تحت عنوان Micee .. مؤتمر جامعة المانيا الدولي للهندسة و البيئة …..مع ابنتي الدكتورة ايمان 

ده علشان القر و الحسد و الذي منه .  ما يروحشي علي فشوش.. فهمتوا قصدي طبعا

و علشان انا باكتب من الموبيل .. وعلشان  .. كلام خارج المقرر .. ما ينفعشي يتكتب بالموبيل خالص خالص خالص .. نظرا لظروف العمر  و النظارة و الشيخوخة المبكرة … قلنا نريحكم النهاردة من كلام خارج المقرر .. و علشان فرحة بالفوز تبقي فرحتين

و لكن عايز اقول لكم حاجة ..  حاجة واحدة بس

هو ايه الاسماعيلي ده

في وضع يخليك تعيط علشانه من الزمن ..  و في لحظة واحدة يخليك تعيط من الفرح و بعدين بقي في حالة القطار الافعواني

roller coaster

.. اللي مركبنا فيه الاسماعيلي .. شقلبه و عفرته و شحططة و ضعضعة و شخلله ..  و بالبلدي .. مع الشيبة .. الاسماعيلي زي المرجيحة .. من تحت لفوق .. لفوق .. لفوق

و لكن الست احلي و اجمل لما قالت

صعبان علي أقول لك كان والحب زي ما كان وأكتر. وأفكر بليالي زمان وأوصف فى جنتها وأصور.

إنت النعيم والهنا وأنت العذاب والضنى. والعمر إيه غير دول.

إن فات على حبنا سنه وراها سنة. حبك شباب على طول.

إنت اللي فات بنعيمه وراح وفات لي طيفه فى خيالى. أسهر معاه الليل سواح عايش على العهد الخالي. وأنت اللى فات بضناه وشقاه وساب لي ناره فى ضلوعي. أن مر ع الخاطر ذاكره … تنزل من الوجد دموعي.

ياللى قضيت العمر معاك أرضى بجفاك وأتمنى رضاك. أنت النعيم والهنا وأنت العذاب والضني. والعمر ليه غير دول. إن فات على حبنا سن وراها سنة.

حبك شباب على طول.

و الف الف مبروك لكل الداويش في كل مكان و في كل زمان

Click to comment

Leave a Reply

لن يتم نشر عنوان بريدك الإلكتروني.

بقلم الدراويش